Myanmar-a Military Council ten sorkarna an lak, kum 1 leh a chanve hnu hian mipui pawi sawi lo mi 2346 an that tawh a, mi 15831 an man tawh thu Political prison AAPP chuan a thuchhuahah a tarlang.
He list hi kum 2021 February 1 atangin 2022 October 12 thlenga chhinchhiahte a ni a, dik takin hre thei ta ila hei ai hian an tam ngei ang tiin an tarlang bawk.
An man zawng zawng hi October 13 thlenga an chhinchhiah dan chuan mi 12633 an tling tawh a, heng zingah hian mi 1539 Jail an khung tawh bawk.
Politic vanga thi tura an chungthu rel tawh, tang mek mi 84 an awm a. Thi tur an chungthu rel mek mi 126 an awm a, tang zinga an chhuah tawh hi mi 3176 an tling tawh bawk.
Military Council ten sorkarna an lak hnu, tun September thla thleng hian chenna in leh Building an kalhsak zawng zawng hi 780 aia tlem lo a nih thu hriat a ni.
