Sagaing region Tabayin township Pyayahhtwet (Pha Ya Thuat) khaw chhehvelah March 31 chawhnu dar 5:27 khan Thlawhnain an beih hnuah March 31 chawhnu dar 7:00 vel atang khan Pha Ya Thuat khuaa Buddhist school leh chenna in an halchhiat nual thu tualchhung mi te hnen atanga hriat a ni.
March 30 chawhnuah leh March 31 tuk khan Sain Pyi khua atanga chhuak Military council sipai ten Man Gyi Sauh khua an hal a. March 31 chawhnu khan Pyan Kya (Pian Chiah) khua leh Pha Ya Thuat khua an hal leh a. Pha Ya Thuat khua Thlawhnaa an beihnaah PDF sipai 2 an hliam thu a hmatawng sipai pakhat chuan Yangon Khit Thit Media a hrilh a ni.
“Zanah Pha Ya Thuat chhehvel min bei am kan in saseng hlawm a, kan sipai 2 an hliam thu kan hria a. Zan atangin Pha Ya Thuat khuaa Buddhist school an hal tan a, an dinhmun kan hre kim chiah lo” tiin a sawi.
Military council sipai ten an operation-naa an halna khuaa an hloh zat kimchang a hriat theih loh thu sipai pakhat chuan a sawi zui bawk.
Kan hnung pawh khan Military council sipaite hian Man Chi Sauh khuaah In 97, Pyan Kya (Pian Chiah) khuaah In 496, Pha Ya Thuat khuaah In 251 an hal tawh hnuah tun tumah an hal nawn leh thu Tabayin township Ngyi Naung pawla thuneitute hnen atanga hriat a ni.
