Chin State, Matupi township, Zotung huam chhungah Military council sipai ten tualchhung mi 10 an man a, inven nan an hruai thu CDF-Zotung thuneitu pakhat chuan a sawi.
Matupi towmship, Zotung huam chhung TheSi khua leh Thawlang khaw inkarah February 4 khan Military council sipaite leh CDF-Zotung Battalion te inkahnaah tualchhung mi 10-te inven (Human shield) nan an hruai thu hriat a ni.
Indan nana an man tualchhung mi 10 te zingah kum 18 hnuai lam hmeichhe tleirawl 2 an tel a, mi 2 an chhuah tawh a, mi 8 an la chhuah rih loh thu CDF-Zotung ten a sawi.
CDF-Zotung thupuangtu Ko John chuan “Dik taka ngaihtuah chuan ralthuam keng lo tualchhung mi an man hruai kawi a, ralthuam keng ve ve te pawn eng mah an tih loh laia hetia an man hi chu anmahni sipaite an hlauh vang a ni” tiin a sawi.
Military council sipai ten February 5 khan CDF-Zotung sipai pakhat kum 24 mi Salai Haka Lian an that tawh bawk a ni.
Military council sipai ten tun hnai atang khan Zotung huam chhungah opreation an neih thin avangin tualchhung PDF te nen an inkap nasa hle a ni.
