Taung Ta township Zahmui khuaah kum 20 mi rilru lama chiang lo deuh hmeichhe pakhat chu sipaiten an pawng sual a, police station lamin a case an pawmsak duh lovin, nau pai theih lohna damdawi an jection a, pawnsual tia sawitu apiang chu silaia kah hlum an nih tur thu sipaiten an sawi.
Mandalay region, Taungta tiwnship, Zahmui khuaa kum 20 mi rilru lama rual ban lo, hmeichhe pakhat chu military council sipaiten April ni 5 zing lama an pawng sual thu tualchhung mite leh an chhungte hnen atanga hriat a ni.
April ni 5, chawhma lam dar 10 velah Taungta township Zahmui khuaa Basic high school-a security duty sipai pakhatin school bul lawka awm in pakhata kum 20 mi rilru lam rual ban vak lo hmeichhia chu a pawngsual a. A chhungte ina an awm loh lai a nih avangin, sipain chu hmeichhia a hruai lai thenawmten an hmuh chuan a nu leh pate an hrilh nghal a. An va um zui chuan chu pawngsualtu sipai chu a lo tlan bo hman a, thubuai siam apiang chu kah hlum an nih tur thu chu sipai chuan a lo hrilh bawk nia hriat a ni.
Tualchhung mi pakhat chuan, “Pawnsual tawk hmeichhe rilru chu mi pangngai pha lo a ni a. A pa chu USDP member niin, kut hna thawka ei zawng an ni a. An in chu school thlang lamah a awm a. School-ah sipaiten security an la a. Pawngsualtu pawh chung zinga mi a ni. April ni 5, chawhma lam dar 10 velah a ni. Chu pawngsualtu sipai chuan mipuiin an hmuh takah chuan tu pawh thubuai siamtu apiang kah hlumah a vau a. Police station lama case siam pawh a theih loh. An pawm duh lo. An sipai hotu hnena thlen lahin khawiah nge a finfiahna tiin a lo dil tlat a. Chutianga case file a theih tak lohah chuan nula pa chuan a fanu chu clinic lamah hruaiin indanna a chiusak ta a ni,” tiin a sawi.
Chu mi thil thleng chungchangah khaw chhung miten pawngsualtu chu hrem turin sipai hotu an phut a, mahse ani chuan chu sipai officer nen an inngaizawng tih zawngin a sawi kual tih hriat a ni.
Zajam khaw mi pakhat chuan, “Rilru kim lo nula chu sipaiin huan hungna pal daidanna atanga kovin, a bia a, chu mi hnuah pal chu kanin school hnung lamah a um zui a. Bazar mual lamah a pawngsual ta a ni. Chu chu pawngsual a ni lo, engmah finfiahna a awm lo, tiin sipai lamin an pha tlat a. Bazar chu school hnung lamah a awm a ni,” tiin a sawi.
Tunah chuan chu hmeichhe nula pawngsualtu chu khaw chhungah hmuh tur a awm tawh lova, sipai lamin hmun danga a awn a rinawm thu tualchhung miten an sawi bawk.
