Sagaing region, SaLinGyi township NgyaungPinGyi village tract-a khaw 3, Military council sipaiten chenna in an hal mek thu Chindwin tipui kama khaw hotu zinga thuneitu pakhat chuan Yangon Khit Thit Media a hrilh a.
June 27, chawhnu dar 5:30 hnu khan Military council sipaiten NgyuangPinGyi village tract-a awm HninTaw, Swe Inn Lay, leh TheinTaw khuaah ruah sur nasa mah se, chenna in an hal chhiat nual thu hriat a ni bawk.
“Mei a mit theih loh avangin tunah hian khaw 3-ah a kang kai mek a, HninTaw khuaa chenna in a kang nasa khawp mai” tiin Chindwin tipui kama khaw hotu zinga thuneitu pakhat chuan Yangon Khit Thit Media a hrilh a ni.
Military council sipaite hian June 9 atang khan NgyuangPinGyi khuaah buk an khuar avangin a chhehvela khaw hrang hranga mi te an tlanchhiat nual thu hriat a ni bawk.
