Ram chhung leh ram pawn Chin mi ten Military council-te hmachhawn turin kan theih ang tawka CDF te nen tangho turin CNF ten an ngen a.
He thu hi February 20-a lo thleng tur Chin National Day diamond Jubilee denchhanin CDF ten February 16 khan thuchhuah siamin an ngen a ni.
CDF te chuan he revolution kan hneh theih nan leh ram chhung mipui a zalen theih nan ralthuam keng pawl leh NUG tangkawpin kan bei zel dawn a. Chin mi leh Chin State tundin leh nan Stakeholder te nen hma an lak zel dawn thu an thuchhuahah an tarlang bawk.
Spring revolution beitu nun thapa martar te leh hliam tuar te zahna chibai kan buk che u a, mipui raltlante leh herhawm taka awmte hnenah kan tuarpui tak zet che u a ni tiin CNF chuan a sawi a ni.
February 20 hi Chin National Day a nih angin Chin mi ten Democracy kawng zawhna History pawimawh tak a nih anga hmang theiuh turin duhsakna kan hlan che u a ni tiin CNF ten an thuchhuahah an tarlang a ni.
