January 10,11 khan Myanmar Military council Jet Fighter-in Chin State Thantlang township Indo-Myanmar ramri-a awm CNA/F camp hmunpui an bomb tum khan India boruak huam chhungah an thlawh luh loh thu India, foreign Affair Minister thupuangtu Arindam Bagchi chuan January 19 khan a sawi angin The Ecomomy Time news-ah tarlan a ni.
Arindom Bagchi chuan “Kan hriat dan chuan Myanmar lamah January 10,11 khan ramri velah chung lam atanga beihna a awm thu kan hria . Kan lam boruakah eng mah thihsual an awm lo. Mahse, Janaury 10 khan Indo-Myanmar ramri Mizoram State, Champhai District Farkawn khaw kiangah bomb a tla a, kan rilru a nuam lo khawp mai, Myanmar lam pawhin an pha lo hle” tiin a sawi.
Chinland Information Center chuan January 10 chawhnu dar 4:35 khan Military council sipai ten CNF hmunpui Victoria camp, Jet Fighter-a an beih tum khan India leilungah bomb 2 a tlak bakah India boruak huam chhungah an thlawk lut a. He bomb a tlak avangin kawng kama Motor pakhat leh thingkung a tichhia a ni. India sorkar hian a ram chhunga bomb a tlak chungchangah action a lak mai loh bakah chung lama an beihna turah hre lawk mah se, in hriattirna eng mah a awm loh thu an tarlang bawk.
