State Planning and Administration Council atana an ruatna chungchangah thutlukna a la siam theih loh thu Pu Gin Kam Lian chuan a sawi.
Zomi Congress for Democracy Party Gerenal secretary Pu Gin Kam Lian, Military council ten thuneihna an lak kum 2 champha February 1 khan Military council hotu ber General Min Aung Hlaing chuan State Administration Council ruahmannaah thawhpui tur atan a ruat a.
“Sawi lawkna a awm lova, ngaihtuah thiam a har khawp mai. Thisen thlum leh zun thlum kan nei bawk si a. Party-ah mawhphurhna ka nei nual si nen, Pathian thu thu a ni ang chu” tiin Gin Kam Lian chuan a sawi.
Pu Gin Kam Lian hi kum 2015 inthlanpuiah Tedim township ZCD Party atangin Representative National Assembly-ah thlan tlin a ni a. Kum 2020 intlanpuiah erawh Tedim township ZCD Party atangin a ding leh a. thlan tlin a ni ta lo.
ZCD Party hi kum 1990 inthlanpui khan hnehna an lo chang tawh a. NLD Party leh Military council te nen an lo thawk dun tawh a ni.
January 31 atanga an buatsaih National Defense and Security Council rorelnaah Consitution Artical 425 hmangin emergency hun chhung atan kum 2023 February 1 khan thla 6, term dang hun pawt sei lehin General Min Aung Hlaing-an State Administration Council kalphung a ruahman a ni.
State Administration Council (SAC) atana an ruat hmasak Chin national leader Pu Wan Ma Tu Maung-a fapa Pu Maung Ha erawh SAC Central Advisory Board member atan a ruat a.
Military council ten thuneihna an lak hnu kum 2021 February 3 khan Pu Maung Ha hi State council member atan ruat a ni a, kum 2 hnuah Central Advisory Board member atan an ruat leh a ni.
