Myanmar economic kalhmang tlabal zawnga thu thehdarh thin, Military Council te kut hnuaia, Central Bank-ah hian June thla chhung khan Military Council ten Lt-Colonel mi 6 hna an pek thu Central Bank thuchhuah atanga hriat a ni.
An thuchhuahah chuan Lt-Colonel 6 te hi Commander in Chief (Army) atangin June 6 tuk khan Myanma Central Bank-ah an nihna nen thawk tura ruat an nih thu hriat a ni.
June ni 10 khan, Central Bank-a Director 2 chu Asst. Director atan Central Bank Chairman chuan a ruat a. A aiah Asst. Director mi 2, an ruat bawk a.
Military Council ten Lt-Colonel hna thar, an ruatna Central Bank-ah hian ram dang atanga sum puk pe kir lo turin July 13 khan thu a chhuah a, ram dang nena investment, Company ten ram dang sum an chelek lohna turin an kharsak.
Hmanni lawk khan Foreigner 35% te, Company Bank Account-a Dollar te chu Myanmar Kyats-a thleng turin thuchhuah siam a ni a.
Military Council te hian heng Dollar te hi 1850 rate-a thleng tura an tih laiin ram pawnah Dollar 1 hi Kyats 2300 a kai chho daih thung a.
Bank-a sum dah draw theih loh avang te, Bank account-a ram dang sum te, Myanmar Kyat-a tlawm taka thleng tumna avang te, ram dang sum puk, rulh leh loh avang te hian ram chhung leh pawn sumdawnna a buai vek thu, sumdawng mite hnen atanga hriat a ni.
Heng buaina hi mipui pangngai ten an tawrh nasat thu sumdawngmi, tawnhriat nei pakhat chuan a sawi.
Myanmar ram mi te, Bank-a sum dah leh puk a tla hniam a. Bank thenkhatah sum pung, sum lut dang leh Bank sum pung, a pung sawt an ti thunga. 2020-21, 2021-22 Budget year-ah a pung, a tam thu hriat a ni.
