Kum 2021 February ni 1 atanga kumin 2022 March ni 15 thleng khan Military Council ten mi 9656 manin an tantir tawh a. Heng zinga mi 844 te hi kum bithliaha Jail-a khung an ni a, kum 18 hnuai lam naupang mi 2 tiamin mi 48 te chu thi tura an chungthu rel an ni.
Military Council ten sorkarna an lak hnu nimin thleng khan mipui mi 1676 an thah tawh thu Political prison (AAPP) ten an thuchhuah an tar lang a, hei aia thi an tam an rin thu an sawi bawk.
Man tura Warrant chhuah, tlanchhe zinga mi 1973 zinga mi 39 te chu thi tura an chungthu rel lawk an ni a, mi 118 te chu thubuai rit tak awrhtir tura ruat lawk an nih bakah thi tura an chungthu rel tawh zawng zawng hi mi 84 an tlung tawh a ni,
March ni 12 khan Sagaing Region, TanSe township, Chaung Yu khuaah Military Council ten tualchhung mi U Tan Sit leh a fapa Ko Kyaw min Khaing te an kah hlum thu hriat a ni a. Anni pafa hi an chenna in an halsak hnua tlanchhia chu an lu-ah leh awma kah fuh an ni. Chaung Yu khuaa tlanchhe ve thei lo kum 70 mi U Khin Maung Thein pawh a boral thu hriat a ni.
Shan State, Maing Tung township-a awm Journalist Ko Aung Win Hti pawh Social Media-a Military Council lam thu a post thin avangin man a ni a, section 505 hmanga thubuai awrhtir a ni.
