March 8 hi International Womens Day a nih angin khawvel hmun hrang hrangah hmeichhe chawikanna leh hleilenna chungchangah a kiam sawt theih nan hun pawimawh hman a ni a.
Military council sipai ten thunneihna an lak, kum 2 hnuah hian hmeichhia 483 an thi tawh a. 3125 an man tawh thu NUG, Woman, Youth and Children Affairs Minister chuan March 8 khan an thuchhuahah an tarlang a ni.
Heng bakah hian hmeichhia 122 an pawngsual tawh bawk a. Mandalay region. Aung May Ya Zi township High school zirtirtu hmeichhia Daw Thet Suu Hlaing, ram tibuaituah puhin section 505 (A) hmangin kum 8 Jail tang turin U Bo Jail-ah an khung a, a rilru leh taksain a tawrh thu zirtirtu hmeichhia Daw Thet Suu Hlaing, chhung te zinga Ma Pu Uh chuan a sawi a ni.
Miss Daw Thet Suu Hlaing hi Military council sipai ten thuneihna an lak hlim khan CDM-ah a lut a, kum 2021 October 30 khan a chenna inah an man a ni.
Military council sipai ten hmeichhete chungah an hleilennaah leh an thahna chungchangah UN ten hrem turin NUG, Woman, Youth and Children Affairs Minister Naw Su Zanna Hla Hla Soe chuan a sawi a ni.
Military council, Foreign Affairs Minister ten March 8-a an thuchhuah dan chuan kum 2021 February atangin 2023 February 15 thleng khan firfiakho chetna avangin naupang 150, mipui 129, zirtirtu 69, health department-a thawk mi 15, Administrator 732, an vaiin mi 5155 an boral tawh thu an tarlang a, heng zingah hmeichhe thi zat an tarlang lo a ni.
Ram hrang hrangah hmeichhe chatna a tam chhoh zel avangin UN chuan kum 1975 March 8 hi International Womens Day-ah a puang a. He niah hian ram hrang hranga hmeichhia ten hmeichhe chanvo zalenna an chan theihna tur leh in sawisakna awm tawh loh turin an lantir a. Myanmar-ah Military council sipai ten thuneihna an lak, kum 2 hnu hian hmeichhia 500 vel an that tawh a, 3000 chuang an man tawh a ni.
