Min Aung Hlaia din Russia ram atanga Tuialhthei lei tur pawl (committee)-ah a fapa company Yetagon chu member-ah dah luh a nih rualin, KBZ leh sipai ta Star High Company, Crony BOC te pawh member-ah an tel
Min Aung Hlai chuan August ni 1-ah Russia tuialthei leina committee a din a. Chutih rualin ram chhunga tuialthei harsatna chi hrang hrang chu hai derin tuialthei la luttute leh zuartute chu pe chhuak zel turin a vau a, pump lama pe chhuak duh chu report theih a nih thu pawh military council chuan thuchhuah a siam hial a ni.
Chu committee-ah chuan Yetagon Engergy Trading company, Min Aung Haia fapa Aung Pyit Sone-a ta chu member-a lak luh a ni a. Chairman-ah sipai ta Myanmar Energy Corporation (MEC) chairman nil ai chu ruat a ni bawk a.
Chu committee-ah private company 4 an tel ve a, member-a lak luhte chu Aung Pyit Sone-a Yetagon Energy Trading company-a working officer Maung Maung Naing, KBZ bank neitu Aung Ko Win Pine, Brither Energy-a director San Naung, sipai ta Star High-a working officer Hla Win, Crony Best Oil leh PT Power company chairman Win Shwe te an ni.
News Source pakhat chuan “Yetagon-ah Maung Maung Naing chu working chief officer a ni a. Chairman chu Min Aung Hlaia fapa Aung Pyit Sone a ni. An business kalpui chu chi hrang hrang a ni a, hming hrang hrang an hmang bawk,” tiin a tarlang.
Sipai ta Star High company chu Mytel communication-a Share holder nei a ni a. Russia ram tuialthei lei, stock leh pek chhuahna committee-ah chuan member 10 an awm a. Mahse, engti zawnga tuialhthei chu chawluh tur nge, engtik hunah nge, engtia sem chhuah tur nge tih chu hriat a ni lo.