Yangon Region, Mayankone (Ma Yan Kung) Township, Swe Hnin His (Sui Hnin Si) kawng leh Swe Hnin Hsi 7 Road-ah Military Council puipa ber Min Aung Hlain-a farnu Zin Zin Hlain-i chenna in chu July 11 zan dar 8:10 vel khan Yangon khawpui rawlrala che thin HTY-Battalion leh tangrual pawl ten an Bomb a, Car a chhiat nual thu hriat a ni.
July 11, zan dar 8:11 khan Federal Liberation Army (HTY-Battalion) leh Union of Myanmar Civil Defence-UMCD te chuan Mayankone township, Swe Hnin His kawng leh Swe Hnin His 7 Road, Huan No.99-a awm, Min Aung Hlain-a farnu Zin Zin Hlain-i chenna in chu Bomb hmanga beih a ni a, chenna in chhunga Car a chhiat nual thu hriat a ni.
“July 11, zanah chuan Swe Hnin His Road-ah Bomb a puak hmasa a, a hnuah Mile 9, U-Shin kawtah leh Swe Hnin His Road-ah a puak leh a, a puah hun karlak hi Minute 5 leh Minute 10 kar dan vel a ni” tiin Yangon khawpuia tualchhung mi pakhat chuan a sawi.
Yangon khawpuia tualchhung mi thenkhatte chuan Min Aung Hlain-a farnu Zin Zin Hlain-i hi Swe Hnin His 7 Road A, Kanbawza School awmna kawng, Huan No.99-ah a cheng a. July 11, zan dar 8:00 vela Bomb puahna in kha, Swe Hnin His 7 Road atanga Huan No.99 a ni a. He Bomb puahna inah hian Military Council te leh a kaihhnawih mi leh sa te chenna in a ni a, huan kawta kawng te pawh an chhiat nual thu a sawi zui bawk.
June 3, pawh khan Zin Zin Hlain-i te chenna in hi Bomb hmanga beih tum tawhin an hlawhtling lova, July 11zan khan an beih nawn leh thu Yangon khawpuia rawlrala che pawl ten an sawi.
Painter Khin Hlain leh Daw Hla Mu (Hla Swe) te hian fa 5 an nei a. An fa te zingah Zin Zin Hlain, Tun Aung Hlain te bakah Military Council puipa ber Min Aung Hlain hi a palina a ni.
