Chin State, Mindat township, Am Laung khuaah February 25 khan Military council sipai ten ralthuam lian an kah avangin naupang pakhat telin chhungkaw zinga mi 3 leh CDF sipai pakhat an boral thu tualchhung mi ten FRA Media an hrilh a ni.
Heng boral ta te hi naupang pakhat leh a nu leh pa bakah Mindat PDF sipai mipa pakhat te an ni a, chhungkua thi te hi tu te nge an nih hriat chian an la ni lo tiin tualchhung mi ten an sawi a ni.
Mindat township-a PDF sipai officer boral ta hi Salai Billy Aung Thang a ni a, Military council ten thuneihna an lak hma chuan Mindat khuaa Kristian Pastor pakhat a nih thu tualchhung mi ten an sawi.
Mindat khuaa innghat, Military council Khah Lah yah (LIB) 274 ten Am khuaah ralthuam lian an kah avangin tualchhung mi 4 an boral bakah naupang 2 telin tualchhung mi 4 an hliam a. Hemi chungchangah Chin State Military council thupuangtu immigration minister U Tan Zin, RFA Media ten phone-a an biaknaah chhanna a awm rih lo a ni.
Chin State. Mindat khua hi Military council ten kum 2021 February 1, atanga thuneihna an lak hnua tualchher silai nena hmachhawn hmasa ber khua te an ni a.
Mindat khuaah hian Military council sipai ten phone leh internet line te an tihchhiat bakah ralthuam lian an chelek nasa hle thin a ni.
Chin State-a human right leh culture pawl ten an chhinchhiah dan chuan Military council ten thuneihna an lak hnu hian Chin State-a Military council sipai ten an chet avangin mi 200 vel an boral tawh thu an sawi a ni.
Military council ten thuneihna an lak hnu hian Chin State telin Myanmar north west-ah mihring 340000 chuang in leh lo an tlansan tawh thu human right pawl CHRO ten kum 2022 April thla khan an thuchhuahah an tarlang a ni.