Chin State, Mindat khuaah inkahna a nasat bakah Military council sipai ten ralthuam lian an chelek chiam avangin mipuite awm khawm lo turin thupek an chhuah thu CDF-Matupi-a thuneitu pakhat chuan Yangon Khit Thit Media a hrilh.
Mindat khuaa innghat Military council sipai Khah Lah Yah (LIB) 27 ten Mindat khawpuia khaw hrang hrangah ralthuam lian an tawngpawng kah chiam a. April 7 zing atang khan Chin State, Magwe region ramri-ah CDF (Mindat), Yaw PDF tangrual pawl te leh Military council sipaite an inkahnaah Military council sipai ten ralthuam lian an tawngpawng kah chiam a, mipuite awm khawm lo tura thuchhuah an siam thu CDF-Mindat ten an sawi a ni.
“Military council sipai ten khawchhunga mipui awm khawmna hmunah ralthuam lian an tawngpawng kah chiam a. Mipuite tinzawnin an kap a ni ber a, hliam erawh an awm leh awm loh hriat a la ni rih lo. Chin State leh Magwe region ramri-ah pawh an inkap nasa khawp mai” tiin CDF-Mindat-a thuneitu pakhat chuan a sawi bawk.
Tun dinhmunah hian Military council puipa ber Min Aung Hlaing chuan tun April thla chhung hian State leh region hmun hrang hrangah Myanmar New Year tuitheh Kut (Thingyin, Ta Chian) a buatsaih ngei dawn thu, thuchhuah a siam tawh bawk a ni.
