Tuna Myanmar ram thuneihna latu, sipai hotu ber Sr. Gen. Min Aung HLia chanchin, a nu leh pate chanchin, mite hriat hlawh loh tak thenkhat Mizzima media-in a puanchhuah hi han tarlang ta ila.
Min Aung Hlaia nu leh pate chu U Khin Hlai leh Daw Hla Mu te niin, Tanintayi region, Dawei khaw chhuak an ni a. An chenna chu Dawei Phayagyi kawng hmar lam veng, Shwe Taung Saa kawnga in ding thiangah an khawsa thin a. Dawei a thlen chuan chu in chu a tlawh ngei ngei thin a. Thuneihna a lak hnu lawkah U khin Hlaia chhungte, chu ina awmte sahimna ngaihtuahin a insawn chhuahtir niin tualchhung miten an sawi a.
Sorkar education department-a thawk a nu leh pate chu Magway region, Minbu khuaah an insawn a, kum 1956 July ni 3-ah Min Aung Hlaia a piang a. A naupan laia an koh dah chu Pho Ta Aye tih a ni a, mipa pathum, hmeichhia pahnih neiin an unau chu panga an ni a, ani chu upat dan indawta a palina a ni.
A pa lemziak thiam U Khin Hlai chu Minbu khua atangin Mandalay STDC scince school-ah Painting department director-a ruat niin, kum 1961-a an insawnin Min Aung Hlai chu Mandalay primarty school-ah a lut a, kum 1966 thleng a zir.
A pa U Khin Hlai chu education department atangin contruction department-a lemziah, lem ker lam department-ah sawn a ni a, Mandalay atanga Yangon lama an insawn kum 1967-ah Min Aung Hlai chu Yangon High school no. 1, Lahta-ah a zir zawm leh a, kum 1972-ah pawl 8 a pass a.
Chutih lai, Yangon-a an chenna chu Sule central fire department kawt building pakhatah an khawsa a, General Ney Win-an thuneihna a lakh nu, mipui thil neih a chhuhsak zingah chu building in pawh a tel ve a ni.
Pawl 8 a pass hnuah Min Aung Hlai chu Yangon University-ah Law lam zirin kum 1974-ah Military Academy (University)-ah Officer training weekly no. 19-in a lut a, Pyin Oo Lwin-ah a zir zawm a ni.
A naupan laia an thenawm pakhat chuan, “Min Aung Hlai chu a unaute zingah a luhlul deuh ber a ni,” tiin Mizzima a hrilh a.
A pa U Khin Hlai chu construction department, Painting director a nih lai, a pension dawn, kum 2 vel la awmah department chhunga a hnuaite miten signature campaign neia an hek avangin, a hna a chan a. Mahse, chutih laia Construction Minister Colonel Sein Win tanpuinain pension chu a hmu ta tho a ni.
Kum 1962-a thuneihna latu General Ney Win-a Revolution Council-a member lo ni tawh Colonel Sein Win chu kum 1964-ah Revolution sorkar hnuaia Public Work and Housing Construction department hotu (Minister) a rawn ni a, U Khin Hlaia Ministry department-a a thawh theihna ber chu Colonel Sein Win hi a ni a.
Minister thleng ni chho ta General Sein Win chu Mawlamyine khuaa piang ni mah se, Dawei-a a naupan laiin a awm lo thin a. Min Aung Hlaia pa U Khin Hlai chu a hun tawp dawn lamah Pago khua ShweTaHliaung hnu lama in pakhatah mi hriat hlawh lo takin a boral a. A thih hnuah amah nena lo inchu khana nei nia sawi nufa chu puithiam rawngbawl tura an inpek thu a thian hnaiten Mizzima an hrilh a ni.
