Mizoram State, Lunglei Jail atang tlan chhuak Myanmar mi 5 zingah mi 2 man an ni a, mi 3 an man rih loh thu hriat a ni a.
Heng an mi man te hi Lalbawihliana leh Do Kap Thang te an ni a, Lunglei leh Haulawng khaw inkar Mausen khuaah April 20 zan dar 8:15 khan an man thu tualchhung chanchinbu chuan a tar lang a.
“Mausen khua atanga Km chanve velah Chawlh buk a awm a, an riltam an chawlh lai takin Chawlh buk neitu chuan YMA leh VC hnenah a hriattir hnuah an man nghal” tiin tualchhung news chuan a tar lang a ni.
Heng mite hi April 19 zing dar 2:00 vel khan Lunglei Jail atangin an tlan chhuak a. An man rih loh bibo ta Lalchawimawia, Hau Deih Cin leh Van Nei Thang te vawiin thlengin an la man rih lo a ni.
Tualchhung news-in an tar lan dan chuan heng mi 3 tlan bo te hi Thingkha leh Thingfal khaw inkarah April 20 chawhnu khan khualzin kal mek Lirthei dawm dingin pawisa an laksak nual thu hriat a ni bawk.
