Mandalay region, Mogok khawpui tlak lam Ong Dan khaw bula Military council sipai camp pakhat an beihnaah Military council sipai 30 vel an thih thu Mogok base Battalion-a thuneitu pakhat chuan Yangon Khit Thit Media a hrilh a.
June 20, chawhnu dar 2-6 thleng khan Military council sipai 40 rualte buk khuarna Mogok khaw tlak lam, OngDan khaw bula Military council sipaite camp chu Mogok khawpuia innghat Battalion 1221, 1223-ten luh chilhin darkar 3:30 chhung an kah rawn a, Military council sipai 30 aia tlem lo an thi a, PDF te thi leh hliam awm lovin an hnungtawlhsan thu hriat a ni.
“Camp laksak tuma kan beih laiin Military council sipaite an tam ta si a, chung lam atangin bomb vawi 3 an thlak avangin kan hnungtawlhsan a. Mogok khawchhungah Military council sipaiten motor 5-in an rawn puia thi leh hliam an awm lo” tiin Mogok-a base Battation zinga thuneitu pakhat chuan a sawi a.
An inkah hnu hian Military council sipaiten ralthuam lianin an chhunzawm zel a, zan dar 7:17 khan Thlawhna vawi 5 vel a vei kual hnuah vawi 3 an bomb thu hriat a ni bawk.
