Sagaing region, township tam takah May ni 24, zing lam dar 7 atanga chawhnu dar 1 thleng internet leh phone line tihtawp deuh vek a nih thu hriat a ni.
Sagaing region, Monywa, Kanbalu, Yinmapin, Shwe Bo telin township tam takah May ni 27 zing lam dar 7 atangin internet leh phone line tihtawp deuh vek a nih thu Monywa tualchhung miten an sawi a.
Sagaing region chhunga awm Monywa, tun hmaa Internet line thatna chu, tihtawpsak lailawk niin, hmun thenkhatah chuan chawhnu lam dar 1 vela a that leh thu hriat a ni.
Chutih rualin internet a thla tela tihtawpsakna Yinmapin, Kanbalu leh Shwe Bo district chhunga township thenkhat chu phone line tihtawpsak belh leh a ni a.
Chutianga internet leh phone line tihtawp nachhan chu military coucil lamin khaw hrang hranga chenna in an halte chanchin leh thlalak thup bo tuma ti a nih theih thu Monywa tualchhung mi pakhat chuan a sawi.
Military council sipaite chu May thla tir atangin khaw chhunga operation an neih dawnin, internet leh phone line thunun turin Junper khawl chu khaw luhna bulah hawng hmasain an luhchilh thin a.
Military council chuan Sagaing region chhunga Chaung Oo, Salingyi, Miau telin township 20 chuang chu March ni 3 zan dar 11 atangin internet a tihtawpsak a. Chu mi hmain Kani, Bohtalin, Yinmapin te tihtawp a ni a, chung khuate nena belhkhawmin Sagaing region chhunga township 30 chuang chu internet a tihtawpsak tawh tihna a ni.
