Khawvel hmun hrang hrang leh ramri atanga Myanmar-a zin tur te, an zin hma ni 14 awm ah, Covid-19 Vaccine Dose kima inchiu tawhna lehkha hmuh a tul a. A tulna hmunah in-test zel a nih dawn thu, Military Council Foreign Minister chuan August 1, khan thuchhuah a siam.
Ram chhunga zin tur te hian, Covid-19 Vaccine Dose kima inchiu tur a nih bakah, ram chhunga luh hma darkar 48 chhungin, Covid-19 laka an fihlim thu endikna lehkha a hmuh tur a ni. Heng bakah hian Airport-ah leh ramri-ah in-test tur a ni bawk.
Covid-19 in-test-na senso K.15000 (Kyats 15000) hi mahnia intum chawp tur a nih thu an thuchhuahah an tar lang.
Myanmar-ah hian Covid-19 hri kai an pung tan leh tawh a. July 31 khan mi 4207 an endiknaah mi 9 positive hmuh a nih thu, Health of Ministry chuan a tar lang. A tam zawk hi ram pawn mi te atanga hmuh an nih thu hriat a ni.
