Russia, Rusatom International Network, ROSATOM chuan thli hmanga eng pek chhuahna (Wind power) hmun 3 bun turin project a duan thu Military council Ministry of Electricity and Energy, Meeting-ah March 30-ah a theh luh thu March 31 khan Military council Daily news chuan a tarlang.
Heng Wind power an bunna hmun tur te hi Mandalay region, Kyaukpadaung (Chauh Pa Dong) District, Popa (Poh Pa) khuaah Megawat 200, Magwe (Ma Gui) region Mindone khuaah Megawat 56 leh Bago (Pe Gu) region, Minhla (Min Hlah) khuaah Megawat 116 project an ruahman thu an sawi a.
Military council ten Myanmar ram chhungah kawlphetha indaih lohna phuhru turin thli hmanga eng pek chhuahna zone hmun 6-ah Megawat 8000 chuang pek chhuah theihna ruahman a tum a.
Heng avang hian Station hmun velah Hydropower tenau kan bun theih phah dawn a ni tiin Meeting-naah Military council Electricity and Energy Ministry U Thong Han chuan Rusatom International Network Chairman Mr.Vadim Titov hnenah a sawi a ni.
Politician U Than Soe Naing chuan Military council leh Russia te an pawh thuk sawt hle a, project lian tham an ruahmanna turah leiba an nei tam mai thei tiin a ngaih dan a sawi bawk.
Rusatom International Network, ROSATOM-a thuneitu te March 29 khan Military council te leh Science and Technology Ministry Dr. Myo Than Kyaw te nen Nuclear energy siam chhuah dan chungchang te an lo sawiho tawh a ni.
Rusatom International Network hi ROSATOM (State Atomic Energy Corporation Rosatom) tia hriat lar hi Russia Nuclear energy, Science and Technology hmasawnna tura hmalatute an ni a, khawvel hmun hrang hrang sumdawn nana hmalatu pawl lian tak an ni bawk a ni.
