Myanmar chungchang telin ram 2 thenawm te inpawh tawnna leh sorkar hruaitute a tul anga hma la zel tura sawi hona US Department of State, counsellor Derek Chollet huaihawtnain March 20-24 hian Indonesia leh Thai-ah an feh chhuah dawn thu hriat a ni.
Myanmar ram buai chungchangah a hluar chhoh zel avanga sawi rem dan kawng leh a ram mipui ten an duh anga remna leh muanna a neih theih nan, theih tawp chhuah a ngaih thu Foreign Minister chuan a thuchhuahah a tarlang a ni. ASEAN President nihna inchhawkah President chelh mek Indonesia-a, a feh chhuaknaah US-Indonesia inkar ralrelh thiamna lamah inpawh tawnna leh ASEAN thu rel tur thilah a sawi uar dawn thu US Department of Foreign Affairs chuan a thuchhuahah a tarlang a ni.
Hetiang vek hian US leh Thai indawr tawnna chungchang bakah Myanmar-ah remna leh muanna a thlen theih nan theih tawp chhuaha sawi ho a tul thu a sawi a. He a zinnah hian ram hruaitu lawk zual te, ram 2-a tlawmngai pawl hruaitu te, NGO pawl te tan pawh hmasawnna a awm thei dawn a ni tiin Foreign Ministry chuan a thuchhuah a tarlang bawk a ni.
Counselor Chollet hi Myanmar chungchangah US aiawha hma latu a ni a. March thla tir pawh khan Myanmar ethic group-a hruaitute nen online hmangin an lo meeting tawh a, Washington DC khawpuia NUG Office-ah pawh leng lutin NUG Officer te nen an titi fo tawh a ni.
