Myanmar leh Bangladesh-a MOCHA cyclone thlipui tuarte chhawmdawl thuai an tul avangin Euro maktaduai 2,5 (US Dollar maktaduai 2.7 vel)-in an chhawmdawl dawn thu European Union (EU)-ten an thuchhuahah an tar lang a.
EU, High Commissioner for Crisis Management, Janes Lenarcic chuan khuarel chhiatna thil thuah a rang lama tanpui thuai a tul thu May 25 khan an thuchhuahah an tar lan thu a sawi a.
Heng sum leh pai zawng zawng hi a hmuna kal chilhin tangrual pawlten hma an lak dawn thu leh a hnu zelah pawh nunna chhan chhuah nan atan a pawimawh zel dawn thu a sawi zui bawk a ni.
May 14-a MOCHA cyclone thlipui a tleh avangin chhiatna tam tak a thlen nual a, a zat chiah an hriat theih loh thu EU chuan a sawi a.
Tuna an mamawh hmasa ber nia kan hriat dan chuan In chung khuhna Silpaulin, tui thinghlim, ei in leh hmaraw thianghlim te an mamawh hle thu an sawi bawk.
Tun atanga hun rei lo teah ruah a sur nasa thei a, tuilian leh leimin te a la awm thei a ni tiin EU chuan a sawi zui a.
US-ah pawh thlipui tuarte avangin US Dollar maktaduai 17 vel ruahman belh leh a ngaih dawn thu May 23 khan a sawi bawk a ni.
