India, Mizoram, Champhai District-ah ruihhlo tawlhtu Myanmar lam mi pakhat telin mi pathum man niin ruihhlo tam tham tak man tel a ni bawk a. May 31 zan khan Dungtlang Police Check gate duty-te chuan Heroin, Kg 1.418 (hawng 115), international market-a cheng vaibelchhe 7 chuang man chu, Chin State, Thipchang khua, Pu Thang Hlei Sum fapa Chung Mang Bawih, Zokhawthar khuaa Lalmawizuala fapa Malsawmtluanga leh Chung Zauk nupui Parcheri Zokhawthar nia inchhalte kut atangin an man a.
An vai hian lirthei pakhat (Breeza) hmangin Khawmawi, Myanmar atangin Saikhumphai kal tlangin Khawbung pan mek an ni a. Dungtlang PS-ah thubuai, 21(c)/29/25 ND&PS Act r/w 14(A) Foreigners Act hnuaiah ziah luh niin a kaihhnawih dangte chhui zui mek a nih thu hriat a ni bawk.
