Ram chhunga human rights bawhchhiatna leh firfiaka chena a la awm reng avangin Myanmar sipai officer-te training pekna hna chu kumin atangin Japan ramin tihtawp a tum thu Japan Defense Ministry lamin thuchhuah an siam a ni.
Japan Defense Ministry chuan tun dinhmunah thuneihna latu Myanmar sipaite training pek chu thil inawm lo a nih tak avangin, kan titawp a ni tiin BBC a hrilh a.
Tunah hian Japan National Defense Academy leh hmun dangah Myanmr sipai office 11 te chu training an nei mek a, anni chu an training zawh thlenga pawm an nih tur thu hriat a ni.
Kum 2016 August thla atanga kum 2017 March thla thleng, Japan military academy collage-a zir Major Tin Soe chu ni kum Kristmas thlen hma, Karenni state chhunga naupang leh hmeichhia, Save the Children staff 2 telin mipui 35 nung chunga hal hlumna chungchanga inhnamhnawih a nih avangin, Human Rights Watch (HRW) pawl chuan chung thil thlengte chu August thla khan a lo tlangzarh tawh a.
Major Tin Soe chu kum 2021, August atanga 2022 July thleng military council Eestern region Command Headquarters-a mawhphurna latu a ni a, chung headquarters chu Shan state chhim lam leh Karenni state-a operation neihnaa kaihruaitu ber a ni.
