Sagaing region, Myaung township-ah Military council sipai Bilu te an beihnaah Military council sipai thi leh hliam an awm nual thu Myaung township PDF leh CDSOM (Myaung) pawl ten Yangon Khit Thit Media a hrilh a ni.
March 21 chawhnu dar 4:00 vel khan Myaung township, Myit Sone khua, Pauk khua leh Chuang Kwe hmuna Military council sipai 200 rual Military council division 99 hnuaia Bilu operation te, PDF ten darkar 2 chhung an kah rawnnaah Military council sipai 19 an thi a. Military council sipai te an buk khuarna hnuhnung ber an va fin fiahnaah Sergeant pakhat ruang telin ruang tam tak kawng sirah an paih nual thu hriat a ni.
“Kan inkah hma, chhun dar 12:00 vel khan keini CDSOM chuan ni chhuahna lama Chawlhbuka Military council sipaite kan kap a. Chawhnu dar 1:00 velah Min Chain khua atangin mi 35 ten min rawn pui leh a, 40 MM laipuiin Chawlhbuk chhehvel vawi 2 kan bomb a. Bomb pakhat chuan Chawlhbuk bula Military council sipai rual birukna hmun a bomb fuh a, pawl 2-in kan beih rawn” tiin Myaung township PDF leh CDSOM (Myaung) ten Khit Thit Media a hrilh a ni.
Heng Military council sipaite hian Myaung khawpuia tualchhung mipui te an sawisak mai bakah an pawngsual thin avangin March 13 atang khan Myaung PDF ten an bei a. March 15 khan Military council sipai 8, March 15-ah sipai 9, March 21-ah sipai 19 an vaiin Military council sipai 36 an thih thu hriat a ni.
He inbeihnaah hian CDSOM, Min Mu CRF 3, Sagaing region Battalion 1, division 3,4, Battalion 2 division 3, Battalion 6 division 2, MGN 35, 11 Brother Force, Young Man, Min Chain district Battalion 2, Myingyan Ranger, PDF Taloke, MGN Tiger, MGN 21, Burmese Guerrilla Force-BGF (Myingyin), MS9 Brothers, Shwe-Ao Revolution Force, Justice Revolution Force – Myaung ၊ Mandalay district Battalion 3, Black Wolf PDF, Leopard Mobile Defense Force – Myaung ten an beih rawn thu hriat a ni bawk.