Myanmar-ah Dollar Billion 1-a Investment Mek Singapore Hnathawhna 7 Leh China project chu 1, Tiam Chin Awm Lova Titawp Turin NUG-in A Hriattir A, Dan Anga Hrem An Nih Dawn, Thuchhuah an siam a ni.
Myanmar-ah Dollar Billion 1-a Investment mek Singapore hnathawhna 7 leh China hnathawhna 1. tiam chin awm lova titawp turin NUG-in an hriattir a, dan anga hrem an nih dawn thu, an thuchhuahah an tar lang.
Myanmar ram chhunga Investment-na hmun 8 zet neih mek, Singapore leh China te chu tiam chin awm lova titawp vat tura an hun tiam hnuhnung ber hriattir a nih thu NUG, Project, Ministry of Finance and Investment chuan August ni 1-hriattirna thuchhuah a siam a.
NUG dan anga an bawh zui loh chuan na taka hrem an nih dawn thu an tar lang bawk a ni.
Singapore, Myanmar Satoketayar Solar Power Company ten Magwe Region-ah Dollar Maktaduai 27 sengin Megawatt 30, Solar pek chhuahna khawlpui te; Singapore, Myanmar Kyeeonkyeewa Solar Power Company ten Magwe Region-ah Dollar Maktaduai 28 man Megawatt pek chhuah theihna Solar khawlpui te; Singapore, Myanmar Sedawgyi Solar Power ten Mandalay Region-ah Dollar Maktaduai 27 sengin Megawatt 30 pek chhuah theihna khawlpui te; Singapore, Shwekyin Solar Power ten Pagu Region-ah Dollar 38 sengin Megawatt 40, Solar pek chhuah theihna khawlpui te; Singapore, Yangon Thermal Power Company ten Yangon Region-ah Dollar Maktaduai 522 senga Solar pek chhuah theihna khawlpui te; Singapore, SIM Company ten Ayeyawady (Ii Ya Wa Di) Region-ah Dollar Maktaduai 376 sengin vau kamah leh Godown te, sa nualin tuialhthei an supply nasa hle a.
China, Best Garment Company hian Yangon Region-ah Dollar Maktaduai 29 man Factory hmunpui tam tak sak tumna leh luah tur an investment nasa hle bawk a ni.
