Military council hnuaia Agriculture, Farming, Irrigation & Dam department lama Deputy Director leh Assistant director mi 350 chuang chu mipui phatsantu leh blacklist-ah dahin an nihna atanga an ban vek thu National Unity Government (NUG) chuan a puang.
NUG sorkar Union Minister Man Win Khai Than chuan June ni 6 date hmanga hming ziah hnanin thuchhuah a siam a, Ministry department chuan sorkar hnathawkte chu firfiak military council hnuaia thawk chhun zawm tawh lo tur leh mipuite nen ang khata thuneihna dodalna CDM-a tel vek turin vawi engemaw zat a sawm tawh thu tarlan a ni a.
Chu bakah NUG sorkar Ministry chuan CDM-a tel Ministry department la din loh department hrang hranga ram tana thawktute khawsakna, himna leh zalen taka an awm theihna chu a ngaihpawimawh hle thu a sawi a.
Chuvangin, dan lova thuneihna latu military council hnuaiah thawk chhunzawma CDM staff te nawr a, vau leh an nihna atang ban leh court lama thubuai siamsak ang zawnga kawng hrang hranga harsatna thlentu ‘Agriculture, Farming, Irrigation & Dam department’ lam thawkte chu Blacklist-ah dahin, an hna atanga ban (dismiss) vek an nih thu tarlan a ni bawk.
