Myanmar ram chhunga Online atanga hnathawkte in-register lo te chu thla 6 atanga kum 3 bakah Ks. Nuai 50 thleng hrem an ni ang tiin Military council-ten vauna thu an chhuah thu hriat a ni a.
Online atanga thil zuarten thla 6 chhungin an in-register ngei ngei tur a ni a, he thu zawm lova ti lui an awm chuan Important goods and services Act, section 5 hmangin thla 6 atanga kum 3 thleng bakah Kyats nuai 5 hnuai lam thleng hrem tur a ni ang a. Heng bakah hian thubuai siamsakin an thil zawrh te chu tihchhiat a nih dawn bakah ram neitu bungrua anga laksak leh thunbuai awrhtir an nih dawn thu an tar lang bawk a ni.
“In-register tur an tihna hi Licence siam ang tluk a ni a, Facebook atangin Online shopping hmangin chhungkua kan inchawm ve a. In-register tur an ti a, chhiah chawi an tum a, Military council-ten an duh duhin min thunun a ni ber mai” tiin Yangon khawpuia, Online shopping hmanga phone second Hand zuar thin Dawr neitu pakhat chuan a sawi a ni.
