Sagaing region, Pale township leh Chin State, Halkha khawpuia Military council sipai 2-te an ralthuam famkim nen CDM-ah an inpe a, Kyats nuai 80 leh lawmman an hlan thu pawl thenkhat ten an thuchhuahah an tar lang.
Sagaing region Pale township Pah Ngiah Yah 11 Battalion-a Military council sipai Ko Kyaw Ngiang Linn, a ralthuam nen CDM-ah a in pek thu Pale township, Public Administrator ten an thuchhuahah an tarlang.
Ko Kyaw Ngiang Linn hian MA 11 pakhat, silai mu bawm 3, 5.56 silai mu 74, bomb 1 leh bulletproof a chhawm tel a. Pale township public administrator leh Pale township NUG, PDF ten Kyats nuai 50, Pale township PDF ten Kyats nuai 30, a vaiin Kyats nuai 80 an hlan thu hriat a ni.
Hetiang vek hian January 6 pawh khan Chin State, Halkha khuaa innghat, Military council sipai Battalion 266-a sipai pakhat pawh CDF-Zophei-ah a ralthuam nen a inpe a. Ani hian MA1 silai pakhat leh silai mu a chhawm tel bawk. CDF-Zophei ten lawmman an pe nual a, hmun him zawkah an awmtir thu CDF-Zophei ten an thuchhuahah an tarlang.
