Chin State chhim lam Paletwa township-ah March 9 tuk khan Military council sipaite leh CNA, CDF-Paletwa tang dun an inkahnaah Military council sipai 8 an thi a, mi 15 na taka an hliam thu hriat a ni.
March 9 tuk khan Lailenpi khua atangin Matupi township Thebui camp-ah Military council sipai rual ten operation an neihnaah Paletwa township Keing Kan Kone khua leh Sa Khi Ha khaw inkar Law Ki lui kham hmun pakhatah Military council sipaite leh CNA, CDF-Paletwa Battalion te nen an inkah thu CDF-Paletwa Battalion ten an thuchhuahah an tarlang a ni.
Military council sipaite leh CNA,CDF-Paletwa te zing dar 10:54 atanga 11:41 inkarah tum khat, chawhnu dar 12:20 atanga 12:40-ah tum khat an inbeihnaah Military council sipai 8 an thi a, mi 15 na taka an hliam thu CDF-Paletwa ten an sawi a ni.
He inbeihnaah hian CDF lam thi leh hliam awm lovin an hnungtawlhsan thu CDF-Paletwa ten an thuchhuahah an tarlang a ni.
March 8 pawh khan Paletwa township Kei Kan Kone khua leh Sa Khi Ha khaw inkar Ba Mi lui kamah Military council sipaite leh CDF-Paletwa te an inkahnaah Military council sipai 5 an thi tawh bawk a ni.
