Ayeyawaddy region, Pathein khua, Pathein-Nghaputaw kawngpui, Pauh Kong khaw tawntirha sipai leh police dutyten khual zin mipui hnen atang dik lo taka pawisa an laksak thu tualchhung miten atanga hriat a ni.
Chu sipai leh police check gate-ah chuan khualzin te mobile phone check-sak thin ani a, state counselor Pi Suu Kyii thlalak hmuh an ih chuan pawisa an dil a, social media-ah NUG thlawpna profile ang chi an hmuh chuan duh ang tawk pawisa an dil leh thin bawk thu driver pakhatin a sawi.
Ani chuan, “He check gate tlan pelh dawn apiangin sipaiten phone an chek thin a. An phone check-ah Daw Aung San Suu Kyi thlalak an hmuh chuan Kyat sing 5 an dil a. NUG thlawpna ang chi profile an hmuh pawhin pawisa an dil a. Pek loh chuan man tawh an hlauh avangin an pe zel mai a ni. Thenkhat chuan he check gate tlan pel dawn chuan an Facebook account te an delete a, chu check gate-ah chuan zan lamah sipaiho an awm tam lehzual thin a ni,” tiin a sawi.
Chutih rualin Pathian khaw lohna sipai check gate lamah, Pathein rope bridge (hrui lei) bula sipai check gate-ah te pawh sipai leh police ten dik lo takin pawisa an khawn a, an dil thin bawk thu tualchhung miten an sawi a ni.