Magwe Region, Pauh township, LetpanHla khuaah tukin khan Military Council ten chenna in luhchilhin an bungrua an chhuhsak nual a, a khawpum deuhthaw chenna in an hal chhiat nual thu tualchhung mi ten Yangon-a Khit Tit Media Group te a hrilh.
LetpanHla khua hi Military Council ten March ni 3, zing dar 3:00 vel khan LatpanHla khaw hmar lam tlang chung atangin ralthuam lian hmangin an sai nawn awn awn a, Military Council puibawmtu Phyusaw thi, a
hmei a pa ten an khawchhung an luhchilh a, chenna ina bungrua te
laksak nualin an hal chhiatsak nual thu tualchhung mi pakhat chuan
Yangon Khit Tit Media a hrilh.
‘Ko pang atangin Military Council ten ralthuam lianin min kap a, an kah hnu hian Military Council mi 50 rual ten LetpanHla an hal a. A haltute hi Phyusaw hmeichhe te leh mipate an ni tlangpui a. Khawchhungah luhchilhin bungrua an laksak nual bakah chenna in an hal chhe nual a. Hman deuh kha chuan Khawnvarpui hmangin chenna in pakhat an hal tawh a,tunah erawh chuan, fawhkai hmangin an hal a, in chhung bungrua te an ruksak nual a ni’ tiin tualchhung mi pakhat chuan Yangon Khit Tit Media a hrilh.
Phusawthi leh Military Council te hian Khua an chhuahsan tawh a, chenna in an hal chhiat tawh hi eng zah nge tih a la hriat lova, tualchhung mi ten kangmei an thleh thu hriat a ni.
Military Council ten March ni 2 khan Pauh township, Letya khua chu zan dar 7:30 vel khan an luhchilh a, chenna in 210 zet an hal a, in 240 nufa awmna Le-ya khua chu meivapah a chang der a, tualchhung mi ten an thleh pawhin an harsat thu Le-ya tualchhung mi pakhat chuan Yangon Khit Tit hnenah a hrilh.
