Sagaing region, Kalaymyo hmar lama awm PDF (Kalay) sipai camp no. 3 chu nimin April ni 12 khan military council sipai thahnem takin luhchilhin an lak thu hriat a ni.
Military council pawlin April ni 12 zing lam khan PDF-Kalay sipai camp no. 3 awmna hmun chu kea hel kualin an luhchilh a, an inkah tawn hnuah camp chu chhuahsan a nih thu PDF-Kalay hruaitu pakhatin heti hian a sawi.
“Keini PDF-Kalay camp no. 3 chu min chhuhsak a. Nimin zing lam dar 9:30 vel atangin min rawn hnaih chilh a, kan lo bei let tho nachungin camp chu kan tlansan ta a ni,” tiin.
Chu inkahna PDF-Kalay lam sipai pakhat a thi a. Tukin zing lamah apwh Kalaymyo hmar Pyidawta, Inginkhon leh Letpanchaung khaw hnai vaiah military council sipaite leh mipui venghimtu pawl te an inkap leh bawk tih hriat a ni.
Sipai lam thu vawrh darh danin, Kalaymo bial chhung, Tayakong khaw thlang lam meter 4000 vela awm PDF-Kaaly sipai camp chu security pawlin an thenfai laiin, ulhbun mu khat thun 11, 2mm mortar 1, mortar mu 5, RPG bomb 4, silaimu 2700, AK-47 mu 50, tualchher bomb 25, tent chi hrang hrang 22 leh tualchher bomb siamna thir bung hrang hrangte an laksak thu tarlan a ni.