Shan State, Pekon township Ku Yin Village tract tlang kara inkahnaah Military council sipai officer 19 an thi a, mi 6 an man thu Pekon PKPDF 2 thuneitu pakhat chuan Yangon Khit Thit media a hrilh a ni.
March 11 tuk khan Pekon township Ku Yin village tract tlang karah Military council sipaite a ruka an kal thu an hriat avangin PKPDF 2 Battalion leh tangrual pawl ten an zawng a, zing dar 10:30 vela an hmuh hnuah an kap a. Pekon township-a innghat Military council sipai ten ralthuam lianin an lo pui a, March 11 chawhnu 5:00 velah Military council sipai hliam an nual a, mi 6 an man thu hriat a ni.
March 12 zing dar 1:00 khan tlang kawng hmun pakhatah Pekon PDF te leh Military council sipai duty tlanchhia te nen an inkap a. He inkahnaah hian PKPDF 2 sipai pakhat a boral a. Hemi ni vek hian khawchhung then fai hna an thawhnaah Military council sipai officer 19 ruang an hmuh bakah ralthuam tam tak an laksak thu an thuchhuahah an tarlang a ni.
Heng Military council sipai 6 an man te hi tun hmaa dan leh hrai kan lo neih tawh angin kan enkawl dawn a, eng mah sawi buai tur a awm lo” tiin Pekon PKPDF 2 thuneitu pakhat chuan a sawi a ni.