Hornbill International Model Organization ten Philippines, Batagan khawpui culture Hall Rosario-ah January 22-a an buatsaih, a tum 3-na Mr. World Noble King an thlannaah Myanmar aiawh atangin Chin mi Mang Sui Dun chuan Mr. Teen Tourism International leh Mr. Friendship Award pahnih a dawn thu hriat a ni.
Mr. World Noble King an thlannaah Myanmar aiawha tel zingah Mang Sui Dun hi Award dawng awm chhun a ni.
“A ni khawp mai, tun anga Mr. World Noble King 2023-ah min thlan avangin ram leh hnam tan ka lawm tak zet a ni” tiin Mang Sui Dun chuan a sawi.
Mr. World Noble King thlanna hi kum tin buatsaih thin a ni a, kum 2023, a tum 3–naah Myanmar aiawha tel Chin mi Mang Sui Dun chuan Award a dawng ta a ni.
Chin State, Halkha khuaa piang kum 19 mi King Mang Sui Dun hi Yangon khawpuia zirlai a ni a. A tum 3-na Mr. World Noble King 2023 thlannaah hian ram 24 tel tura hming pek a nih laiin ram chhung luh phalna Visa harsatna vangin ram 12 chauh an tel theih thu hriat a ni
