Mandalay region, PyiGyigon township-ah April 28 chawhnu khan rangkachak dawr an suamnaah Kyats Nuai 2500 chuang man hu leh hmanraw tam tak an laksak thu hriat a ni a.
April 28 chawhnu dar 12:15 vel khan Mandalay khawpui Pyigyitagon township H Ward, kawng 62-na, kawng 133 leh 134 kawng inkar, Industry 1, Bazar kawta Thet Wei Yan rangkachak dawr an suam thu hriat a ni a.
“Silai ri vawi 2 kan hriaa a ring khawp mai, darthlalang a keh nuai a, kan han en chu rangkachak dawr a ni tih kan hria a. Suamhmangten rangkachak leh a khaihnawih Kyats Nuai 2500 chuang man hu an la chhuak tia police-te sawi ri kan hria” tiin a dawr hnaia awm mi pakhat chuan a sawi a.
Ralthuam keng mipa 2 ten dawrah lutin silai an kap a, darthlalang a keh sawm nuai a, rangkachak tam tak leh a kaihhnawih an lak chhuah nual thu Police te leh a hnaivaia awm ten an sawi a ni.
Suamhmangten an laksak rangkachak te hi nghawnga awrh chi te, benga beh chi te, kuttanga bun chi te leh bana bun chi tam tak Kyats Nuai 2500 chuang man hu leh a kaihhnawih bungraw man tam an laksak nual thu hriat a ni bawk.
