Rakhine (Arakan) State, Myebon township, Taung Saing vaukam, Syauk Chain (Sauh Chian) village tract-ah Bawng hri a leng a, chawlhkhar khat chuang a huhova an thih nual thu tualchhung mi te hnen atanga hriat a ni.
Myebon township, Syauk Chain (Sauh Chian) village tract, Ginha Kha khaw chhehvelah Bawng a pul nasa hle a, Ginha Kha khuaah Bawng 20 vel an thih tawh thu khawchhung mi ten an sawi.
Ginha Kha khuaa khaw upa U Tin Win chuan “Kan khawchhungah Bawng vulh mi 6 te hnen atangin Bawng 20 vel a thi tawh a. Bawng vulh pakhat phei chu ni khatah Bawng 1 te, 2 te, 3 te a thi thin” tiin a sawi.
He Bawng hri hi inkai chhawn awl tak a ni a, khaw dangah a la kai chhawn loh avang leh hri chak tak a nih loh vangin thi an la awm rih lo a ni.
He Bawng hri hi Lawiah a kai chhawn theih nain thi erawh an la awm rih loh a ni.
Myebon khuaah hian Bawng hri a len avangin ran doctor leh livestock department-a Doctor ten hri invenna an chiu nual tawh a. Hri vei tan mek Bawng leh Lawi te pawh vaccine an chiu vek tawh thu tualchhung mi ten an sawi.
“Vaccine chiu te hi an tha leh mai ang, mahse hri vei tawh te hi chu an chiu tawh lova, hri vei mek Bawng erawh an chiu tho” tiin an sawi zui bawk.
Kum 3 kal taah khan Ginha Kha khuaah heng hri hi a leng chiam tawh a, Bawng thi an awm hran lova. Lawi 20 chuang an thi thung a. ran dactor ten vaccine an chiusak thu hriat a ni bawk.
