India, Mizoram State-a Myanmar raltlante tan, ram chhung tawng an thiam theih nan tiin Youth for Myanmar pawl te chuan Basic, Mizo tawng zirtirna, Online kal tlangin August 1, atanga an zir tan thu hriat a ni.
Mizo tawng zir tanna hi August 1 atang, Thawhtanni apiangin India nasa zing dar 8:00 atangin zan lam dar 8:00 thleng, Youth For Myanmar (Facebook Page)-ah Online hmanga pek chhuah tur a ni.
“ Mizoram State-a raltlante hian tawng an thiam loh avanga an harsatna te; entirnan, Damdawi inah te, Bazar-naah leh hnathawhna chungchangah tawng an hriat loh avangin hetia tawng zirna buatsaih a nih thu” Youth for Myanmar-a, thu neitu pakhat chuan a sawi.
Chin State ramri hnaiha awm, Mizoram State-a Myanmar raltlante hi mi 30000 chuang an awm tawh a. Mizoram sorkar leh NGO-te ruahmannain raltlan Camp-ah awmtirin Veng hrang hrangah in an luah a.
Raltlan ten thil an lei nana sum number zat an hriat awl theihna turin zirtir a ni a, tualchhung mi te nen an indawr thiamna thlengin zirtir an nih dawn thu hriat a ni.
Youth For Myanmar pawl te hi Myanmar Spring Revolution hnua, Mizoram State-a Myanmar thalaite insuihkhawm pawl an ni a. Revolution Fund raising tan Ei in zawrh te, Daw Aung San Suu Kyi piancham hriatreng nana T-Shrit zawrh te sum hmuh atanga Mizorama Myanmar raltlante, chhawmdawlna petu pawl te an ni.
