Ram chhungah Tax leh thil dang sum lak luh a tlem sawt avangin Minister-te tiamin sum hman fimkhur hram a tul thu leh August ni 24-ah Naypyidaw-a ram chhung Budget enhona Meeting-ah Military, Finance Comission, Vice Chairman, Vice Senoir General Soe Win chuan a sawi.
Tunah rih chuan Covid-19 damlote enkawl mek an ni a, ram chhung sum lut a tla hniam ve zel a, tun atanga thla 6 hnuah phei chuan a tla hniam zual mai thei. Tun dinhmunah chuan loh theih lohvin Covid-19 lama inenkawl a ngaihnaah hian fimkhur taka hman a ngaih thu Vice Senoir General chuan a sawi.
Budget ruahman chhung hi thla 6 chhung a ni a, dik taka sem zai dan thiam a tul a, Military council ten hmalakna chi 5 leh an thil tum chi 9 te mil zawnga an thawhna tur leh mipui tan hamthatna an neih theihna turin hman a pawimawh thu a sawi bawk a.
Military, Pyitaungsu Ministry te beisei dan chuan, ‘Thil siam chhuah nana intunnun atan te, Covid-19 inven nan leh inenkawlna atan te, ram tana development lam hna, sum puk leh tanpuina atan a nih thu hriat a ni.
He Meeting hi 2021 October atanga 2022 March thla thleng, Pyitaungsu Finance, thla 6 chhung Budget ruahman lawkna nemngheh tur endikna Meeting a ni a. Ram tana hman tur Budget ruahmanna erawh Military council te hian mipui hriat loh turin a thup tlat thung a ni.
