Kumin 2023 chhung hian Rohingya raltlante tan chhawmdawl nan project siamin Bangladesh-a Rohingya raltlante tan US Dollar maktaduai 26 chawmdawlna a pek dawn thu US Foreign minister chuan March 7 khan a thuchhuahah a tarlang a ni.
He chhawmdawlna sum hi Bangladesh-a Rohingya mi mangang te leh Myanmar-a firfiakho ten an sawisak avanga hliam tuar raltlante tana pek tur a nih thu hriat a ni.
Tun tum nen hian Bangladesh, Coxis Bazar district-ah kum 2017 August khan Rohingya mi 740000 chuang Rakhine State atangin an raltlan a, ei tur nei lo leh hliam tuar te tan tiin US chuan Dollar billion 2,1-in an tanpui tawh thu US Foreign minister chuan a thuchhuahah a tarlang a ni.
Tuna tanpuina an pek nawn sum hi Bangladesh-a Rohingya raltlan mi 980000 chuang te hman atan Dollar maktaduai 24 tan ruahman a ni a. Heng bakah hian Bangladesh-a raltlan dawngsawngtu mi 540000 vel tan pawh chhawmdawl nan an pek tur thu an tarlang bawk a ni.
He chhawmdawlna chungchangah hian naupang leh thalai rual zirna atan leh in tunnun atan te, ei tur leh tui thianghlim an hman theih nan te, natna laka inven nan atan te, Rohingya mi ten zalenna an hmuh theih nan atan leh an awmna chhehvel a changtlung zawkna atan te tanpui a nih thu a sawi bawk a ni.
