Chin State chhim lam, Sami khuaah March 8 atang khan Military council hnuaiah pawl 10 zirlai ten exam an chhang tan a.
Sami khuaa mi ten an sawi dan chuan College entrance tana pawl 10 exam ten, a lang a pauin an entawn nasa hle thu an sawi a ni.
“Military council sipaite an bialnu te exam chhang an awm a, hun ramchangah lain an entawn thei mai a. An bul lawkah pawh an thiante kal an phal bawk a, A thiam lo te a awm chuan tukverh atanga la chhuakin an thian ten an ziahtir thei a. Exam chhang vengtu leh Education Dept. thuneitu ten Military council sipaite an hlauh avangin eng mah an sawi ngam lo” tiin Semi khua tualchhung mi pakhat chuan Zalen Media a hrilh a ni.
Sami khuaah pawl 10 exam chhang zirlai 290 an awm thu hriat a ni a, kum dangah zirlai mi 300 velin an chhan thin thu tualchhung mi ten an sawi a. Zirlaite lehkha thiam tura zirtir an nih laia hetia entawna exam an chhang hi chu a lungchhiatthlak khawp mai tiin tualchhung mi ten an sawi a ni.
