Awm lailawkna tur Thlam sak theihna dinhmunah chauh an awm tawh a ni tiin raltlan tanpuitute an sawi.
Sagaing Region huam chhunga Dipeyin, Yimapin leh Kani township-a Khaw thenkhat te chu Military Council ten luhchilhin chenna in an hal chhiatsak nual a. An hal chhiatsakna Khuaa mi ten ei leh in, silh leh fen mamawhna a sang hle a, Tui hman tur lamah harsatna an tawk nasa hle thu tanpuitu zinga mi pakhat chuan a sawi.
Thla liam taah khan Military Council ten Yinmapin township-a Tapyiaye khua leh Kani huam chhunga Moekaung khuaah luhchilhin chenna in 50 aia tlem lo an hal chhiatsak avangin harsatna an tawk mek thu hriat a ni.
“Chenna in chawpin engmah chan an nei tawh lo, in lah chu a tam bawk si a. Tunah phei chuan harsa tak an ni. Mongywa khawpui atangin ei in thliar luh a harsa bawk si a, a Khawpumin an hal chhiat nual avangin tui pipe pawh a chhe nual a, tui hman tur an harsa hle a ni” tiin kang thelh tura kal Mongywa Collage zirlai pawl hruaitu Ma Chawsuuhan chuan a sawi.
