Sagaing region, Sagaing township, KinTaw khua leh MinSe khuaah June 25 tuk khan Military council sipaiten an luhchilh a, tualchhung mi 18 an thah tawh hnuah June 27 khan ruang 2 hmuh belh leh a ni a, an vaiin mi 20 an thah tawh thu hriat a ni a.
Military council sipaiten KinTaw khua leh MinSe khuaah Military council sipaiten June 25 tuk khan khawchhung an luhchilh a, Revolution sipai 13 an that a, hmeichhe 2 an pawngsual hnuah an thah bawk a, mi 18 an thah tawh hnuah June 27 khan ruang 2 chhar leh a nih avangin an vaiin mi 20 an thah tawh thu hriat a ni bawk.
“June 27 khan NUG-PDF sipai ruang 2 hmuh belh leh a ni a, hetiang hian Revolution sipai hmeichhia leh mipa 17 leh tualchhung mipui 3 an that tawh a ni” tiin tualchhung miten Yangon Khit Thit Media an hrilh a ni.
Military council sipaiten an pawngsual hlum tak hmeichhia 2 te hi an sawisakna hnu an zahmawhah leh an taksa peng hrang hrang hmuh a nih thu hriat a ni bawk a.
“Hmeichhia 2 te hi a huhovin an pawngsual rawn hnuah an thah a ni” tiin tualchhung miten an sawi a ni.
