National Unity Government (NUG)-in mahni invent nana beih let hun, D-day a puan hnuah police leh sipai mipui lama hming pe lut 200 chuang an awm tawh thu NUG hnuaia Ministry of Defense-in thuchhuah a siam a ni.
Sipaite bei let ve tawh tura thupuan chhuah, September ni 7 atangin mipui lama tlan lut tura NUG be pawp sipai leh police te chu a ni telin an tam zel niin Ministry of Defense lam chuan an sawi bawk a.
October ni 8 atanga November ni 7 thleng khan mipui lama tlan lut leh NUG pawl dawrtu sipai 155 leh police 161 awmin, an vaiin 316 vel an nih thu hriat a ni.
Hei hi mipui lam hruaitute rawn be pawp thei zat chin chauh an la ni a, hmun him lam leh mipui lama tang tawh list dik tak erawh sawi theih a ni lo a. Thuneihna latu firfiak military council sipai leh police department lam atanga, ni tin chanchin pawimawh pe thintute chungah pawh NUG hnuaia Ministry of Defense department chuan hlawm thu a sawi nghal bawk a ni.
