Sagaing region, Tamu district chhunga Administrator hrang hrangte chu ni 10 chhunga bang vek turin PDF (Tamu District) chuan July ni 10-ah hriattirna thuchhuah a siam a.
Tamu District PDF hruaitu pakhat chuan, “Keini lam chuan chu mi chu khawi hmunah, eng hna leh eng nihna nge a chelh tih thlengin list kan siam vek a. Chutih rualin mipui lamin Administrator ho chanchinte min pe a, min tanpui turin kan sawm nghal duh bawk a ni,” tiin a sawi.
Military council sipai hnuaia dan lova sorkar hna thawk, nihna hrang hrang chelh Administrator zawng zwang chu ni 10 chhunga an nihna atanga bang a, an hna thawhna hmun/khua chhuahsan nghal turin People Defense Force, Tamu District chuan thuchhuah a siam a ni.
Chu hriattirna chu an zawm loh a nih chuan mipui neih rosum tikhawlotute zingah chhiar tela, firfiak dona dan zulzuia dan ding lai angin, na taka an chungthu rel an I dawn a.
National Unity Government (NUG) chuan Sagaing region chhungah khua, veng, township leh district level-ah mipui awptu pawl dinin inrelbawlna a kalpui mek thu thuchhuahah tarlan a ni bawk a. Tunah chuan firfiak military council inrelbawlna kaidate chu tihchhiat mek a ni a, mipui thuneihna hmanga inrelbawlna chu din a nih tawh thu PDF Tamu district chuan an puangzar nghal a ni.
