Sagaing region Tamu township chhunga sipai motor zui tlan lai chu Tamu PDF battalion no. 3-in beiin, sipai 30 an thih thu hriat a ni.
PDF-Tamu battalion 3-a hruaitu pakhat chuan, “Motor inzui chu bomb phumna hmun an rawn thlen veleh tihpuah a ni a. Bomb puakin a fuh sipai motor chhunga ruangte chu dah thlak a ni a, hliamte erawh chu Weihtok camp-ah emergency-in an enkawl a ni,” tiin Mizzima a hrilh a ni.
June ni 27 zing lam dar 8:56 vela Tamu atanga Kalaymyo khaw lama kal force 100 vel chuanna sipai motor inzui chu beih a ni a.
Tamu twonship YanLinPhai leh Weihtok khaw inkara bomb tihpuahah sipai motor pathum a fuh a, sipai 30 thiin, hliam an awm nual bawk thu leh, sipai motor-ah thisen chu hmuh hrehawm khawpa a awm thu tualchhung miten an sawi.
Chutianga bomb-a beih tawk leh chan chhe zawk sipai pawl chuan WeihTok khua chu laipuia an kah thu hriat a ni. June ni 26-a Tamu atanga chhuak chu operation nei sipai pawl chu YanLinphai bula awm khuate chu laipuiin an rikrap avangin, in hnuaia biru khaw chhung mi pakhat ke chu silaia kah fuh a nih thu hriat a ni a.
YanLinphai khua chu chenna in 140 awmna niin, a khaw pum deuh thawin an tlan chhe tawh a, mi tlemte chiah an bang a, military council sipaite chu khuaah an riak a, vawk pakhat an talhin an ei a, khaw chhunga chenna in rawkin bungrua an lak thu tualchhung mite hnen atanga hriat a ni.
