Tanintari region, Tanintari township, Thein Khon khua leh Kan To khaw kianga tum 2 inbeihnaah Military council sipai 18 aia tlem lo an thih thu Myeih (Meih) district Battalion 2-a thuneitu pakhat chuan Yangon Khit Thit Media a hrilh a.
April 9, chawhnu 12:40 khan Tanintari khawpui atanga Thein Khon khuaa pan mek Military council sipaite Myeih district Battalion 2, Myeih NUG-PDF, KTLA, Tanintari NUG-PDF tangrual ten an beih rawnnaah Military council sipai 10 chuang an thih bakah inbiakna khawl an laksak nual thu hriat a ni.
“Myeih leh Tanintari khuaa pan mek Military council sipai zat kan hre chiah lo. Hman ni pawh khan Chaunghnapoh khuaah chenna in 7 an hal tawh a. April 9 khan chenna in 2 an hal a. Thephyu (Te Phiu) Biak In pawh ralthuam lianin an bomb bawk a, khawi hmunah nge an thlen tak kan hre lo, PDF te erawh an insaseng” tiin Myeih district Battalion 2-a thuneitu pakhat chuan Yangon Khit Thit Media a hrilh a ni.
Hetiang vek hian April 9, zinga dar 11:30 khan Tanintari township, KanTo khaw kianga Military council sipai operation te Myeih district Battalion 2, Tanintari tlang tluan, Myeih NUG-PDF, Tawponggyi (Taw Pong Chi) pawl ten an kah rawnnaah Military council sipai 8 aia tlem lo an thih thu hriat a ni bawk.
Tanintari khawpuiah March 28 atang khan April 8 thleng khan inkahna a awm avangin a chhehvel motor main road, Myeih khawpui Telegraph Leidawh leh Byokepin (Boh Pin) township Ma Nu Yong khaw inkar, Thing Kha leh Maw Taw ramri border trade kawng velah mi tum ah veivak lo turin PDF ten thuchhuah an siam a ni.
