Bago region, Taungoo khaw hmar lama Taungoo air force hmunpui Rain of Fire an tih chu operation tangrual pawl ten bomb 8 hmanga an bomb-naah Military council sipai 3 an thi a, Helicopter pakhat a chhiat thu Bago PDF ten RFA Media a hrilh a.
March 25,27 khan Karen National Liberation Army KNLA leh PDF tangdun ten an kah rawn thu Bago PDF region information-a thuneitu chuan a sawi a ni.
He an bomb-na chungchangah Bago region-a Military council thupuangtu U Tin Oo chuan air force hmunpui an beih thu an tarlan hi thu dik lo a nih thu RFA Media hnenah a sawi ve thung a ni. He an beihna chungchangah Military council ten eng thu mah an tarlang lo a ni.
Air force hmunpui hnaiha cheng tualchhung mi pakhat chuan an inkah thawm silai ri leh bomb puak ri a hriat thu a sawi a ni.
Tangrual pawl ten March 25-a an bomb tum khan air force hmunpuia hnathawktute an hliam a. March 27-ah an hmunpuia bomb dahna hmun, tuialhtheihna dahna hmun leh Thlawhna dahna hmun kiangah bomb a thlak thu Bago Region PDF ten March 29 khan an thuchhuahah an tarlang a ni.
Bago PDF ten he air force hmun hi a vawi khat beihna a ni a. Sagion region telin ram leilung fate (Ethic group) awmna hmun hrang hranga Military council sipai ten bomb hmanga an beihna thungrulna a ni tiin an sawi a ni.
