Chin State, Tedim township, Taingen khuaa Military council sipai camp, CDF tangrual pawlten an laksaknaah Military council sipai 15 an thih thu NUG sorkar Defence Ministry-ten an thuchhuahah a tar lang a.
July 11, zing dar 5 vel atang khan Tedim township, Taingen khuaa Military council sipai camp chu CDF tangrual pawlten luhchilhin darkar 7 vel an beih hnuah camp an laksak a, Military council sipai 15 an thi a, ralthuam tam tak an laksak a. He inbeihnaah hian CDF tangrual pawl zinga sipai 4 an boral a, mi 2 an hliam thu hriat a ni a.
He inbeihnaah hian CDF CDM SIYIN, PDF Zoland+B5 ME, CNDF, UCDF, KKG, PDA leh PDF Kalay, S2 pawlten an beih rawn thu hriat a ni bawk.
Hetia an inbeihnaah hian Kalaymyo atangin Military council sipaiten ralthuam lian 7-in an bomb zui bakah Thlawhnain an bomb bawk a, CDF tangrualte chu hlawhtling takin an hnungtawlhsan thu hriat a ni bawk.
